صباحكم أمل
صباح المـعـافرة
صباح العـمل
صباح اللي رتّـل :
مافيش مستحيل
صباح اللي كمِّل
و قام و احتمل
صباح اللي غنّى
بلحن الضمير
صباح اللي خلّى
البعيد مُـحتمل
صباح اللي فاضل
ما بـطَّـل هتاف
صباح اللي ناضل
ف أيام عجاف
صباح بألف صحة
يا صوت اللي صحى
يا قلب اللي ضحى
و لا عمره خاف
..
صباحك يا ماشي
ف نور الصباح
صباحك يا رايح
تجيب اللي راح
صباحكم شروق
صباحكم ربيع
إيديكم لفوق
يفوق الجميع
صباحكم يـبدل
دموعه بندى
صباحكم مكمِّـل
لأبعد مدى
صباحكم مصمم
كده أو كده
و حالف يشقشق
يغيظ العِـدا
صباحكم هايوصل
صباحكم هايكمَـل
و صبح اللي رافض
مصيره الفشل
صباحكم أمل
صباحكم نجاح
صباحكم عمل
صباح اللي رتّـل :
مافيش مستحيل
صباح اللي كمِّل
و قام و احتمل
...
كيرلس سمير
2012
جميييييييييييييييييييييييل ...
ردحذفصباحك عسل :)
شكرا شكرااااااا :)
حذفصباح الورد :)
البلوج نورت :)
حذف